Македонија во група со стари познаници

08 February 2010

Распоредот на натпреварите треба да биде договорен на 18 февруари во Москва

Ждрепката во Варшава за квалификациите за ЕП 2012 во Полска и Украина не стави во групата Б, заедно со Русија, Словачка, Ирска, Ерменија и Андора, што значи дека добивме доста незгодна група, откако ги избегнавме најреномираните селекции, но добивме противници што поминаа солидно во квалификациите за СП 2010. Од нашата група Б, Русија и Ирска беа елиминирани во баражите, а Словачка успеа директно да се квалификува во Јужна Африка. Отсуството на големи имиња како Германија, Англија, Италија, Шпанија и Франција, исто така, значи дека Фудбалската федерација на Македонија нема да инкасира милионски суми евра од ТВ-правата. Распоредот на натпреварите треба да биде договорен на 18 февруари во руската престолнилна Москва.

Со сите пет селекции досега се имаме сретнато во претходните квалификациски циклуси.

- Добивме тешка група, но и група, која може да ги задоволи нашите критериуми за пласман чекор напред со освојување на некои од првите две места. Противниците се солидни, квалитетни и вистински предизвик за нас, но и противници со кои можеме да ги постигнеме посакуваните резултати - беше првата реакција на селекторот Мирсад Јонуз, кој во Варшава беше придружуван од претседателот на ФФМ Хари Хаџи-Ристески и генералниот секретар Игор Климпер.

ВЕСТ