08 Февруари 2010
Несекојдневен инцидент се случи во пресрет на Зимските олимписки игри во Ванкувер. Во средиште на приказната е кенгур, поточно знаме со негов лик. Репрезентацијата на Австралија во олимпиското село закачи знаме со анимиран лик на кенгур со боксерски ракавици. Се работи за симбол на австралискиот олимпиец, кој во 1983 година го користеше Алан Бонд на својате едрилица кога го освои Американскиот куп. Меѓутоа набрзо падна во финансиска криза, а Австралискиот олимписки комитет (АОЦ) го откупи симболот, кенгур-боксер и го заштити.
И токму тоа предизвика проблем. Интернационалниот олимписки комитет (ИОК) се повика на правилото дека регистрирани комерцијални заштитни знакови не смеат да се истакнуваат на Олимписките игри. Затоа усно и нареди на австралиската делегација, веднаш да го тргне кенгурот. Меѓутоа, Австралијанците останаа глуви на наредбата, така што знамето се уште се вее во Олимпиското село.
-Немаме намера да го симнеме, додека не добиеме службена наредба од страна на Меѓународниот олимписки одбор (МОО), изјави потпаролот на АОЦ, Мајк Тенкрид.
ВЕЧЕР
| < Пред | Следно > |
|---|
