08 Февруари 2010
Играчите на Портсмут дури три пати ја затресоа сопствената мрежа на мечот со Манчестер јунајтед, од петте гола што ги примија, што е рекорд по бројот на автоголови на еден меч оваа сезона. Манчестер јунајтед од челната позиција го чекаше вчерашното дерби меѓу Челси и Арсенал, во 25. коло на Премиерлигата. Актуелниот првак беше убедлив и со 5-0 го растури фенерџијата Портсмут на „Олд Трафорд“. Во ова коло се радуваше и Ливерпул, кој минимално со 1-0 го победи Евертон во градското дерби.
Играчите на Портсмут дури три пати ја затресоа сопствената мрежа, што е рекорд по бројот на автоголови на еден меч оваа сезона. Противниците на Манчестер сезонава си постигнале вкупно 9 автоголови.
Во 213 градско Мерсисајд дерби, Ливерпул минимално со 1-0 го победи Евертон. Ливерпул речиси 60 минути беше со играч помалку, но токму во тој период Дирк Кајт погоди со глава.
Еден навивач на Блекбурн почина за време на дуелот на неговиот омилен тим на гостувањето кај Стоук. Блекбурн загуби со 0-3, а несреќниот навивач кој бил меѓу 1.300 гостински фанови се онесвестил за време на првото полувреме. Се претпоставува дека навивачот бил удрен со тап предмет во главата, а подоцна тоа предизвикало застој во срцето. За нападот на навивачот е уапсено едно лице.
ДНЕВНИК
| < Пред | Следно > |
|---|
