08 Февруари 2010
"Есма'с бенд", во кој пее наследничката на Есма, Елеонора ќе настапуваат на националниот избор за песна на евровизија што ќе се одржи месецов во Универзална сала.
За настапот подготвуваат специјална кореографија под будното око на професорката, Кери Невзати, кореогравка која досега неколкупати подготвувала наши претставници за Евросонг. Во тек е изработка на костими, со кои, велат, дека ќе се претстават во сосема поинакво светло.
-Очекуваме многу од националниот изборот за песна на евровизија. Се надеваме на фер борба и фер гласање. Ако победиме имаме планови како да се претставиме пред Европа и да освоиме што повеќе гласови. Зад нас стојат големи промотерски куќи од Европа, како што се "Асфалт танго" од Берлин, "Ворлд Конекшн" од Амстердам, " Акордс Кроисес" од Париз и многу други кои кои се грижат за нашите настапи низ Европа а ни нудат достојна презентација и поддшка за настапот во Осло. Секако ова е само доколку победиме.
Доколку дотуркаме до Осло имаме право да се надеваме и на 16.000.000 Роми, кои живеат во Европа и чии гласови оваа година би требало да им припаднат на нас. Тие секојдневно се наша публика на големите сцени низ Европа, каде речиси секој месец настапуваме, велат членовите на групата.
(В.М.)
ВЕСТ
| < Пред | Следно > |
|---|