Замрзната куќа - симбол за смртта на еден град

07 February 2010

Напуштена куќа во една приградска населба на Детроит, САД, е целосно замрзната како дел од проектот „Куќа од мраз“. Станува збор за архитектонска и уметничка инсталација која има цел да им го привлече вниманието на надлежните власти. Од 1950 година до денес бројот на жители на Детроит е намален за речиси половина. Фотографот Грегори Холм (38) и архитектот Метју Рејдјун (32) успеале да замрзнат една од 20.000 напуштени куќи. Холм планира да направи компилација од фотографии преку кои ќе ја претстави трансформацијата на својата инсталација. Напролет куќата ќе биде урната, а дел од материјалот ќе биде искористен за други намени. Холм и Рејдјун успеале да соберат 11.000 долари преку интернет, а поголем дел од таа сума ќе биде потрошен за демолирање на куќата.

ДНЕВНИК