20 August 2010
1. За да пресметате колку калории смеете да внесете дневно, помножете ја својата идеална тежина со 28.
2. Со секојдневно практикување на акупунктура, можете да ослабете 4,5 килограми за 3 месеци. Иглите за акупунктура активираат електричен пулс кој го намалува апетитот.
3. Секое утро пијте јогирт со цимет. Овој зачин има добро влијание на метаболизмот, кое ќе ви обезбеди намалување на еден килограм месечно.
4. Јадете надвор од работното место, со тоа ќе потрошите 250 калории повеќе од оние кои јадат на работно место.
5. Смејте се. Секојдневното смеење по 10-15 минути на неделно ниво ќе ви даде доволно вишок енергија за губење на 280 калории.
08 August 2010
Ова е многу корисен третман кој ќе ви заземе околу 5 минути а во фржидер може да го чувате и до две недели.
Потребно ви е:
- ¼ шоља свежо мелено кафе
- ¾ шоља црн шеќер
- 1 шоља бадемово масло
- 2 капки естракт од ванила
Начин а приготвување:
Ставете ги кафето и шеќерот во еден сад. Додадете го маслото и измешајте. Потоа додадете ванила и пак измешајте.
Потреба:
Смесата употребете ја под туш втријувајки ја на местата на кои имате целулит. По измивањето намачкајте се со крема за тело.
27 July 2010
Ние жените најмногу сме преокупирани со изгледот на нашиот стомак и задник, помалку со изгледот на рацете и нозете, а можеби најмалку внимание му обрнуваме на еден многу сексапилен дел од телото кој што содржи големи мускули – грбот.
Вежбите за зацврстување на мускулите на грбот не треба да се игнорираат од ниту една жена. Убавиот цврст грб изгледа секси, придонесува да стоите исправено и со тоа да оставате впечаток на самоуверена личност, а исто така и ги намалува шансите за повреди.
Летото веќе е на прагот, па нема подобро време да започнете да ги обликувате грбните мускули за самоуверено да ги носите модерните фустанчиња и маички со гол грб.
Ви предлагаме неколку лесни вежби кои нема да одземат многу од вашето време, а ќе направат многу за вашиот изглед и здравје.
Клекнете на подот и потпрете се на рацете. Внимавајте дланките на рацете да ви се под рамената, а колената под колковите. Започнете да ја подигате десната нога и левата рака нагоре. Исправувајте ги и подигајте ги и ногата и раката додека не бидат во иста линија со вашиот грб.Потоа започнете да ги носите коленото и лактото кон вашите гради. Задржете се во таа положба 5 секунди. Потребно е да одржувате рамнотежа. Повторете ја оваа вежба 6 пати со десната нога, а потоа направете промена и вежбајте со левата нога и десната рака.
27 July 2010
Стомакот е една од проблематичните зони за повеќето жени. Пасивниот начин на живот, стресот и консумацијата на нездрава храна се главни виновници за големото стомаче.
Доколку и вие го имате овој проблем, прво и основно што треба да знаете е дека рамниот стомак се добива преку вежбање на целото тело, а не само преку правење на колку што е можно повеќе вежби за стомачните мускули. Вие може да ги поседувате најсилните стомачни мускули, но ако тие се прикриени под масните наслаги, никој нема да знае дека ги имате.
Вежбите за стомачни мускули треба да бидат дел од секоја фитнес програма. Но, за да ги обликувате стомачните мускули, не треба да правите само стандардни стомачни вежби, туку треба да практикувате вежби за целото торзо. Еве неколку вежби кои ќе ви помогнат да го постигнете тоа.