03 Март 2010
Кога и колку да се мати снегот од белки?
Бидете внимателни белките да не ги матите предолго зашто воздушните меурчиња ќе пукнат и вашиот колач нема да се крене. Снегот од белките брзо го губи волуменот, па затоа матете ги непосредно пред употреба.
Како без тешкотии да излупите тврдо варени јајца?
За да ги излупите полесно тврдо варените јајца, веднаш по варењето потопете ги во ладна вода и излупете ги.
Како да добиете компактна смеса за подготвување јадења од свежо кравјо сирење?
Свежото сирење, пред употреба, поминете го низ сито за да добиете компактна смеса.
25 Февруари 2010
Начинот на кој се приготвува храната игра огромна улога во зачувувањето на хранливите состојки што ги содржат продуктите. При неправилно приготвување продуктите се уништуваат, ја губат сварливоста и самиот состав, особено витамините, минералните соли и белковините. Значи не е доволно храната да се подготвува според потребите и возраста на детето, туку таа треба да се обработува така што ќе се зачуваат сите хранливи состојки кои се наоѓаат во производите.
Неколку општи работи кои треба да ги знаете
1. Млекото никогаш не треба да го варите двапати. Мастите (маслата) мора да се заштитат од дејството на светлината и воздухот. Се препорачува чување во порцелански или стаклен сад кој треба да биде покриен.
2. Месото и рибата се мијат со студена вода непосредно пред приготвување. Не треба да се оставаат долго да стојат во вода бидејќи губат дел од белковините и минералните соли.
21 Февруари 2010
Глувците се подготвени да поднесат и електрошокови само за да дојдат до чоколада, а нивното однесување не е далеку од човечкото, при барање на храна, покажало новото истражување чии резултати биле објавени во списанието БМЦ Неуроциенце. Научниците најпрвин ги научиле двете групи, една добро ухранета, а другата изгладнети глувци да бараат чоколада во еден крај од кафезот. Потоа во тој дел од кафезот додале направа која предизвикувала благ електричен шок. Како и што се очекувало, добро нахранетите животни ја избегнувале чоколадата, но гладните глувци продолжиле да ја бараат и покрај болните последици што се совпаѓа со човековото компулсивно барање на храна.
ВЕЧЕР
19 Февруари 2010
Уште Египќаните, старите Грци и Римјани мајоранот го употребувале како зачин, но и како лек. За надворешна употреба во традиционалната медицина мајоранот се користи во облик на маст или како алкохолна тинктура во случај на воспаление на кожата и за брзо зараснување на раните. Чајот од мајоран (1 лажица сува билка се прелева со 200 мл врела вода, отстојува 15 минути и се пие НЕ ПОВЕЌЕ од 2-3 чаши дневно) дејствува против стрес, ги регулира стомачните проблеми, ја отстранува утринската мачнина, ги забрзува потењето, лачењето на желудочниот сок, па со самото тоа и на варењето. Маслото од мајоран ја смирува забоболката и има антисептичко дејство.
вест
18 Февруари 2010
Сокот од брусница може да го намали крвниот притисок, откри најновото истражување кое што беше спроведено од страна на Роџер Кордер, професор на Универзитетот Queen Mary од Лондон.
17 Февруари 2010
Верниците во повеќе делови од светот овие денови се одлучуваат на пост или одреден облик на одрекување кое трае се до Велигден. Помеѓу најпопуларните пороци од кои верниците одлучуваат да се откажат обично се храната од животинско потекло, алкохолот, слатките и цигарите, а телото на ова реагира на посебен начин. Еве и како:
Одрекување од алкохол
По неколку дена без алкохол, црниот дроб почнува да се регенерира, а неколку недели подоцна почнува постепеното повлекување на наталожените масти во истиот.